ಆಕೆಯಿಲ್ಲದ ಮನ

ಬರಡಾಗುತಿದೆ ಮನ ನೀನಿಲ್ಲದೆ

ಮರಳ್ಗಾಡಾಗುವ ಮುನ್ನ ಹಿಂದಿರುಗು

ಒದ್ದಾಡುವಂತೆ ಮೀನು ನೀರಿಲ್ಲದೆ

ಚಡಪಡಿಸುತಿರುವೆ ನಾ, ನೀ ಬರುವರೆಗು

ಹೆಚ್ಚುತಿವೆ ಹೃದಯದ ಬಡಿತಗಳು

ಕಂಡಂದಿನಿಂದ ಅವಳ ಚೆಮ್ಮೊಗವನು

ಎಲ್ಲೆ ಮೀರಿವೆ ಮನದ ತುಡಿತಗಳು

ನೆನಪಿಸುತಿವೆ ಆಕೆಯ ಮಂದಹಾಸವನು

ಸ್ವಕಪೋಲಕಲ್ಪಿತಳವಳು ಬರುವಳೇನು ದಿಟವಾಗಿ?

ಒಮ್ಮೆ ಬಂದರೆ ಸಾಕು ನನ್ನೆದುರಿಗೆ ನನ್ನ ಪ್ರೇಯಸಿ

ನುಡಿದರದುವೆ ನಲ್ಮೆಯಿಂದ ಕರ್ಣದೊಳು ಹಿತವಾಗಿ
ಆಗಲು ಒಪ್ಪದಿರಳಾಕೆ ನನ್ನ ಮನದರಮನೆಯರಸಿ    
                                                                                      -  ಪ್ರಣವ