ದೂರದ ಕಣಿವೆಯ ನಡುವೆ

ದೂರದ ಕಣಿವೆಯ ನಡುವೆ,
ನಿಂತಿಹ ಓ ನನ್ನ ಒಲವೆ,
ನಿನ್ನಯ ನೆನಪಲಿ ನಾನು,
ನನ್ನನೆ ಮರೆಯಲು ತೊಡಗಿರುವೆ!

ಒಮ್ಮೆ ನೋಡು ಇತ್ತ ತಿರುಗಿ,
ಕಾಯುತಿರುವೆ ನಾ ನಿನಗಾಗಿ
ಅಳುಕುತ ನಿಂತಿಹೆ ನಾನು
ಬಳುಕುತ ಬಾ ಬೇಗ ನೀನು.

ನಿನ್ನಯ ಕಾಂತಿಯ ಮುಂದೆ,
ಸೂರ್ಯನೂ ಸರಿದಿಹ ಹಿಂದೆ;
ನಿನ್ನೀ ಬೆಡಗನು, ಬೆರಗಲಿ ನೋಡುತ,
ನಿನ್ನ ಜೊತೆ ಸೇರಲು ನಾ ಬಂದೆ.

ನೀ ಓಡಲಾರೆ ನನ್ನ ಕಣ್ಮರೆಸಿ,
ನಾ ಬರುವುದೂ ಬೇಕಿಲ್ಲ ನಿನ್ನ ಹಿಂಬಾಲಿಸಿ,
ಕಾರಣ? ನೀನಿರುವುದು ನನ್ನ ಹೃದಯದಲ್ಲೇ!
ನೀನಾಗಿರುವಿಯಾಗಲೇ ನನ್ನ ಮನದರಸಿ 

ಪ್ರಣವ
28/05/2013
7:34 P.M  - 7:53 P.M