ಎಲ್ಲಿರುವೆ........ ಮನವ ಕಾಡುವ........

                                    

ನಿನ್ನಾಗಮನವನು ಬಯಸುತಿದೆ ಮನ
ಮಾಧವ ಪರ್ವದಂದದಿ ಆಗಮಿಸು
ಹರ್ಷೋಲ್ಲಾಸದಿ ನರ್ತಿಸುವೆ ನಾ
ಓ ಕೋಗಿಲೆಯೇ, ಪ್ರೇಮರಾಗವನು ಬಿತ್ತರಿಸು;

ಕರ್ಣಾಕರ್ಣಿಕೆಯಲ್ಲವಿದು, ನನ್ನ ಮನದಾಳದ ಸತ್ಯ;
ವೈದೃಶ್ಯಳು ನೀನು, ನಿನ್ನಂತಿಲ್ಲ ಯಾರು
ಹೇಳಲಾಗದೆ ಪರದಾಡುತಿರುವೆನು,
ತ್ರಸ್ತನು ನಾನು, ಗರ್ಹಣಿಸದಿರು ನೀನು; 

ಬೆಳ್ಪ ನಾನೆಂದೆನಿಸಬಹುದು ನಿನಗೆ
ಅಹುದು, ಬೆಳ್ಪನೆ ನಾನು, ನಿನ್ನ ಪ್ರೇಮಪಾಶದೊಳಗೆ
ಸಮುಜ್ವಲ ಸತ್ಯವಿದು, ಮಿಥ್ಯವಲ್ಲವೀ ಪ್ರೇಮಾಂಕುರಗೀತೆ.

                                                                                                                     - ಪ್ರಣವ

                                                                                                                  16/05/2013