ಯಾರವಳು?

ಆಗಸದಲಿ ಹಾರುತಿರ್ಪ ಆ ಪಕ್ಷಿಯಂತೆ,

ಸ್ವಚ್ಛಂದವಾಗಿ ಹಾರುತಿರ್ವುದೆನ್ನ ಮನವು!

ಆದರೊಂದು ಸಂಶಯವೆನ್ನ ಕಾಡುತಿರ್ವುದು,

ಹಾರುತಿದೆಯೋ ಇಲ್ಲ, ಕಳುವಾಗಿದೆಯೋ?

ಸಿಕ್ಕಿತಿದೋ ಉತ್ತರ, ಹಾರುತಿಲ್ಲವದು ಕಳುವಾಗಿದೆ,

ಅದು ಯಾವ ಪಟಚ್ಚರೆಯೋ ಕಾಣೆ ಕದ್ದೊಯ್ದಿರುವಳು

ಅವಳ ರೂಪ ಮಾತ್ರ ಮಾಸದು ನನ್ನೆದೆಯಾಳದಿಂದ,

ದಿವಿಜೆಯಂತಿರುವಳು, ಮರೆಯಲಾಗದೆನ್ನಿಂದ!

ಹಿಂದೆ ಕಂಡವಳಲ್ಲ, ಪರಿಚಿತಳಂತೂ ಅಲ್ಲವೇ ಅಲ್ಲ,
ಒಮ್ಮೆ ಕಂಡಾಗಲೇ ಕದ್ದಿರುವಳೆನ್ನ ಹೃದಯವನೆಂದ ಮೇಲೆ

ಊಹಿಸಿ ಆಕೆಯಿರಬಹುದಿನ್ನೆಂತಹ ಚೋರಿ!

ನನ್ನ ಮನವಾಯಿತು, ‘ಅಲೆದಾಡುವ  ಅಲೆಮಾರಿ’

ಬಣ್ಣಿಸಲಿ ಹೇಗೆ ಆ ಒಡನಾಟವನು?

ಮರೆಯಲಾಗದ ಆಕೆಯ ಕಣ್ಣೋಟವನು?

ಮಾಡಿರಬಹುದೆನ್ನಮೇಲಾಕೆಯು ಮಾಟವನು

ಮಾಡುತಿಲ್ಲ ನಾನ್ಯಾವುದೇ ನಾಟಕವನು

ಅವಳಿಗಿಲ್ಲ ಯಾರೂ ಸರಿಸಮ

ಆಕೆಗಿದೋ ಅರ್ಪಿಸುವೆ ಪ್ರಣವನ ಪ್ರಣಾಮ

ನಿಮಗನಿಸಬಹುದು ಅತಿಶಯೋಕ್ತಿಯಿದೆಂದು, 

ಅಪಾರ್ಥಿಸಬೇಡಿ, ಅರಿಯಿರಿ ನನಗಿದೇ ಭುಕ್ತಿಯೆಂದು

ಅರ್ಥವಾಗದಿದ್ದರೆ ಕ್ಷಮಿಸಿ, ‘ಇವನ್ಯಾರೆ’ನ್ನದೆ

ಕೋಪ ಬಂದರೆ ಬಯ್ಯಿರಿ ಕ್ಯಾರೆನ್ನದೆ. J                   

                                                                                                            

                             - ಪ್ರಣವ